Thursday, March 7, 2013
Monday, November 26, 2012
പ്രവാസം
തീരങ്ങള്ക്കിപ്പുറത്തെ
വിയര്പ്പു പാടങ്ങളില്
കനവുകള് വിതച്ച്
വസന്തം കാത്തിരിക്കുന്നവര്!
അകാലമൃത്യു വരിച്ച
സ്വപനങ്ങള് താലോലിച്ച്
രാത്രിയുടെ വിജനതയില്
നിദ്രാഭ്രംശം വന്നവര്!
വിരഹം വിധിക്കപ്പെട്ടവരുടെ
ശ്മശാനമാണ് ഈ മണല്തീരം !
തീരാത്ത നൊമ്പരങ്ങള്,
ഒടുങ്ങാത്ത നെരിപ്പോടുകള്..
ഹൃദയങ്ങള്ക്ക്
പച്ചപ്പ് എരിഞ്ഞുതീര്ന്ന
എണ്ണപ്പാടങ്ങളിലെ പ്രവാസങ്ങള്
ഇനിയും കാതോര്ത്തിരിക്കുന്നത് -
എന്താണ്?
**************
Labels:
kottapadam,
rasheed kottapadam,
കവിത,
പ്രവാസം
Monday, November 14, 2011
ഗോവിന്ദച്ചാമി!

ദ്രവിച്ച ഹൃദയത്തിന്
ഇരുണ്ട കോണില്-
നിന്നുറവയെടുത്ത
കനിവ് മരവിച്ചൊരു
പ്രതിഭാസമാണ് നീ!.
തിന്മകളെഴുതി നിറച്ച
കറുത്ത താളുകളുടെ
മലിനമായൊരു -
പുറം ചട്ട!
അശാന്തി പരത്തും
പെണ് വേട്ടക്കാരുടെ
തുരുംബെടുക്കാത്ത
അടയാളം!
തൂങ്ങിനില്ക്കും കുരുക്കിനും
നിന് ശ്വാസത്തിനുമിടയില്
നീതിയുടെ പ്രകാശമുണ്ട്;
നീയെത്ര പരിഭവിച്ചാലും!
****************
Thursday, November 3, 2011
ഈദ് മുബാറക്
ഈദ്..
ത്യാഗത്തിന്റെയും അര്പ്പണ മനോഭാവത്തിന്റെയും
മഹനീയ അടയാളം.
ഇബ്രാഹീം പ്രവാചകന് കാണിച്ചുതന്നത് ദൈവത്തോട്
അങ്ങേയറ്റം വിശ്വാസമുള്ള, വിനയമുള്ള, വിധേയത്വമുള്ള
ഒരു ഭക്തന്റെ, ഒരടിമയുടെ മാതൃകയാണ്!
മാനവ ചരിത്രത്തില്
ഇബ്രാഹീം പിതാവിന്റെ ജീവിതം
എത്രത്തോളം സ്വാധീനിക്കപ്പെട്ടിരിക്കുന്നു എന്നതിന്റെ
നിദര്ശനം കൂടിയാണ്
ഈ ബലിപെരുന്നാള് ദിനം!

ലോകത്തിലെ ഏറ്റവും സജീവമായ ആരാധനാലയം...
മസ്ജിദുല് ഹറം എന്ന
ആ പുണ്യഗേഹത്തിനു ചാരെ
ആത്മഹര്ഷത്തോടെ നിന്ന ഒരു നിമിഷത്തില്
ഒരു കാല്പാട് കണ്ടു..
ഖുര്ആന് പറഞ്ഞത് പോലെ... ഇതാ ഇബ്രാഹീം നിന്ന സ്ഥലം!
എല്ലാം മറന്ന്, തിരക്ക് കൂട്ടി, ആ കാല്പാടുകള് ഒന്ന് കാണാന്
ധൃതി കാണിക്കുന്ന വിശ്വാസികള്...
ഏതോ ദിക്കുകളില് നിന്നും വന്നവരാണവര്.
സ്ത്രീകളും വൃദ്ധരും കൊച്ചു കുഞ്ഞുങ്ങളും അവരിലുണ്ട്.
അവരുടെ മനം കൊതിക്കുന്നത്
ഇബ്രാഹീം പിതാവിന്റെ മാര്ഗ്ഗത്തിലുള്ള ജീവിതം.
ദൈവത്തിന്റെ ഏകത-
ആ വിശ്വാസമാണ് വിജയത്തിന്റെ അടിസ്ഥാന ശില.
അതാണ് ഇബ്രാഹീം നബി [അ] പഠിപ്പിച്ചത്.
അതിര്ത്തികളും ഭൂപ്രദേശങ്ങളും തീര്ക്കുന്ന അതിര്വരമ്പുകള്
ആ വിശ്വാസം നിമിത്തം ഇല്ലാതാകും.
എല്ലാവരും ഒരേ പിതാവില് നിന്ന്.
ആദം ആണ് ആ പിതാവ്, ആദമാകട്ടെ മണ്ണില് നിന്നും!
ആദ്യമനുഷ്യന്റെ അഥവാ ആദമിന്റെ ദൈവം ആരാണ്...
ആദമിലൂടെ ഒരു ജനത വളര്ന്നാല്
അവര് വിശ്വസിക്കെണ്ടതും ആ ദൈവത്തില് തന്നെയല്ലേ?
കൊണ്ടും കൊടുത്തും കൊന്നും കൊലവിളിച്ചും
ലോകം നരകമാക്കിയവരുടെ കൂടെ നാം ജീവിക്കുന്നു..
കൊല്ലപ്പെട്ടവന്റെ സ്മരണകള് അപ്രസക്തമാകും വിധം
കൊന്നവന് മഹത്വവല്ക്കരിക്കപ്പെടുന്നു!
ദര്ശനങ്ങളുടെ, ആശയങ്ങളുടെ പ്രസക്തികള്
കടലാസുകളില് പരിമിതപ്പെടുന്നു.
സാംസ്കാരികമായി ഔന്നിത്യമുള്ള സമൂഹങ്ങള് പോലും
തര്ക്കവിതര്ക്കങ്ങളില് കുരുങ്ങി അവമതിക്കപ്പെടുന്നു..
അധികാരങ്ങള് പകപോക്കലിനായി നീക്കിവെക്കപ്പെടുന്നു..
ഇപ്പറഞ്ഞതിനെല്ലാം നമ്മള് സാക്ഷികളാണ്.
ഇതിനെക്കാള് ഭയാനകമായ ഒന്നുണ്ട് എന്ന് ചിലര് പറയുന്നു..
നാളെയുടെ ചരിത്രം ഇന്ന് രേഖപ്പെടുത്തുന്നു എന്നതാണ് അത്!
നാം ജീവിക്കുന്ന ഈ കാലത്ത്,
നമ്മള് നേരിടുന്ന ഈ വെല്ലുവിളികള്ക്ക് മുമ്പില്
നേരിന്റെയും നീതിയുടെയും പക്ഷത്തു നില്ക്കാന് നമുക്ക് സാധിക്കുമോ?
നമുക്ക് ശ്രമിക്കാം..
ഏറ്റവും കുറഞ്ഞത് തിന്മകളെ മനസ്സുകൊണ്ട്
വെറുക്കാനെങ്കിലും നാം ശീലിക്കുക...
നാം ആഘോഷിക്കുമ്പോള് ഈ ഭൂമിയില്
നമ്മുടെ സുഖങ്ങള് കൂടുതല് അസ്വാദ്യമാകാന് അത് ഉപകരിക്കും.
വഴിയരുകില് യാചിക്കുന്നവന്റെ
ബാങ്ക് ബാലന്സിനെപ്പറ്റി ആകുലതപ്പെടാതെ
കൊടുക്കുന്നതില് നിര്വൃതി നേടുന്നവരായി നാം മാറുക.
ഈദ്..
ഒരു ദിനാചരണം മാത്രമാകതിരിക്കട്ടെ...
വേദനിക്കുന്നവന്റെ മുഖത്തുനിന്നും
അരോചകമായി നമുക്ക് മുഖം തിരിക്കാതിരിക്കാം.
കഷ്ടപ്പെടുന്നവന്റെ കൂടെ നടക്കുന്നവര്ക്ക്
വിടര്ന്ന ഒരു പുഞ്ചിരി നല്കാം.
അനാഥന് ഒരു തണല്മരം കാണിച്ചു കൊടുക്കാം.
നമ്മെ അത്താണിയായി കാണുന്നവരോട്
കാത്തിരിക്കാന് പറയാം.
ഇതൊക്കെ എല്ലാവര്ക്കും സാധിക്കും.
അത് തന്നെ ധാരാളമാണ്;
നാം ചെയ്യുകയാണെങ്കില്!
എല്ലാവര്ക്കും എന്റെ
ബലിപെരുന്നാള് ആശംസകള്!
ത്യാഗത്തിന്റെയും അര്പ്പണ മനോഭാവത്തിന്റെയും
മഹനീയ അടയാളം.
ഇബ്രാഹീം പ്രവാചകന് കാണിച്ചുതന്നത് ദൈവത്തോട്
അങ്ങേയറ്റം വിശ്വാസമുള്ള, വിനയമുള്ള, വിധേയത്വമുള്ള
ഒരു ഭക്തന്റെ, ഒരടിമയുടെ മാതൃകയാണ്!
മാനവ ചരിത്രത്തില്
ഇബ്രാഹീം പിതാവിന്റെ ജീവിതം
എത്രത്തോളം സ്വാധീനിക്കപ്പെട്ടിരിക്കുന്നു എന്നതിന്റെ
നിദര്ശനം കൂടിയാണ്
ഈ ബലിപെരുന്നാള് ദിനം!

ലോകത്തിലെ ഏറ്റവും സജീവമായ ആരാധനാലയം...
മസ്ജിദുല് ഹറം എന്ന
ആ പുണ്യഗേഹത്തിനു ചാരെ
ആത്മഹര്ഷത്തോടെ നിന്ന ഒരു നിമിഷത്തില്
ഒരു കാല്പാട് കണ്ടു..
ഖുര്ആന് പറഞ്ഞത് പോലെ... ഇതാ ഇബ്രാഹീം നിന്ന സ്ഥലം!
എല്ലാം മറന്ന്, തിരക്ക് കൂട്ടി, ആ കാല്പാടുകള് ഒന്ന് കാണാന്
ധൃതി കാണിക്കുന്ന വിശ്വാസികള്...
ഏതോ ദിക്കുകളില് നിന്നും വന്നവരാണവര്.
സ്ത്രീകളും വൃദ്ധരും കൊച്ചു കുഞ്ഞുങ്ങളും അവരിലുണ്ട്.
അവരുടെ മനം കൊതിക്കുന്നത്
ഇബ്രാഹീം പിതാവിന്റെ മാര്ഗ്ഗത്തിലുള്ള ജീവിതം.
ദൈവത്തിന്റെ ഏകത-
ആ വിശ്വാസമാണ് വിജയത്തിന്റെ അടിസ്ഥാന ശില.
അതാണ് ഇബ്രാഹീം നബി [അ] പഠിപ്പിച്ചത്.
അതിര്ത്തികളും ഭൂപ്രദേശങ്ങളും തീര്ക്കുന്ന അതിര്വരമ്പുകള്
ആ വിശ്വാസം നിമിത്തം ഇല്ലാതാകും.
എല്ലാവരും ഒരേ പിതാവില് നിന്ന്.
ആദം ആണ് ആ പിതാവ്, ആദമാകട്ടെ മണ്ണില് നിന്നും!
ആദ്യമനുഷ്യന്റെ അഥവാ ആദമിന്റെ ദൈവം ആരാണ്...
ആദമിലൂടെ ഒരു ജനത വളര്ന്നാല്
അവര് വിശ്വസിക്കെണ്ടതും ആ ദൈവത്തില് തന്നെയല്ലേ?
കൊണ്ടും കൊടുത്തും കൊന്നും കൊലവിളിച്ചും
ലോകം നരകമാക്കിയവരുടെ കൂടെ നാം ജീവിക്കുന്നു..
കൊല്ലപ്പെട്ടവന്റെ സ്മരണകള് അപ്രസക്തമാകും വിധം
കൊന്നവന് മഹത്വവല്ക്കരിക്കപ്പെടുന്നു!
ദര്ശനങ്ങളുടെ, ആശയങ്ങളുടെ പ്രസക്തികള്
കടലാസുകളില് പരിമിതപ്പെടുന്നു.
സാംസ്കാരികമായി ഔന്നിത്യമുള്ള സമൂഹങ്ങള് പോലും
തര്ക്കവിതര്ക്കങ്ങളില് കുരുങ്ങി അവമതിക്കപ്പെടുന്നു..
അധികാരങ്ങള് പകപോക്കലിനായി നീക്കിവെക്കപ്പെടുന്നു..
ഇപ്പറഞ്ഞതിനെല്ലാം നമ്മള് സാക്ഷികളാണ്.
ഇതിനെക്കാള് ഭയാനകമായ ഒന്നുണ്ട് എന്ന് ചിലര് പറയുന്നു..
നാളെയുടെ ചരിത്രം ഇന്ന് രേഖപ്പെടുത്തുന്നു എന്നതാണ് അത്!
നാം ജീവിക്കുന്ന ഈ കാലത്ത്,
നമ്മള് നേരിടുന്ന ഈ വെല്ലുവിളികള്ക്ക് മുമ്പില്
നേരിന്റെയും നീതിയുടെയും പക്ഷത്തു നില്ക്കാന് നമുക്ക് സാധിക്കുമോ?
നമുക്ക് ശ്രമിക്കാം..
ഏറ്റവും കുറഞ്ഞത് തിന്മകളെ മനസ്സുകൊണ്ട്
വെറുക്കാനെങ്കിലും നാം ശീലിക്കുക...
നാം ആഘോഷിക്കുമ്പോള് ഈ ഭൂമിയില്
ഒന്ന് ആശ്വസിക്കാന് പോലും വകയില്ലാത്തവരെപ്പറ്റി
വെറുതെ ഓര്ക്കുക,നമ്മുടെ സുഖങ്ങള് കൂടുതല് അസ്വാദ്യമാകാന് അത് ഉപകരിക്കും.
വഴിയരുകില് യാചിക്കുന്നവന്റെ
ബാങ്ക് ബാലന്സിനെപ്പറ്റി ആകുലതപ്പെടാതെ
കൊടുക്കുന്നതില് നിര്വൃതി നേടുന്നവരായി നാം മാറുക.
ഈദ്..
ഒരു ദിനാചരണം മാത്രമാകതിരിക്കട്ടെ...
വേദനിക്കുന്നവന്റെ മുഖത്തുനിന്നും
അരോചകമായി നമുക്ക് മുഖം തിരിക്കാതിരിക്കാം.
കഷ്ടപ്പെടുന്നവന്റെ കൂടെ നടക്കുന്നവര്ക്ക്
വിടര്ന്ന ഒരു പുഞ്ചിരി നല്കാം.
അനാഥന് ഒരു തണല്മരം കാണിച്ചു കൊടുക്കാം.
നമ്മെ അത്താണിയായി കാണുന്നവരോട്
കാത്തിരിക്കാന് പറയാം.
ഇതൊക്കെ എല്ലാവര്ക്കും സാധിക്കും.
അത് തന്നെ ധാരാളമാണ്;
നാം ചെയ്യുകയാണെങ്കില്!
എല്ലാവര്ക്കും എന്റെ
ബലിപെരുന്നാള് ആശംസകള്!
Labels:
Eid Greetings,
ഈദ്,
ഈദ് മുബാറക്,
കുറിപ്പ്,
ലഘുചിന്തകള്
Sunday, October 30, 2011
രാഷ്ട്രീയ ഭാഷ്യങ്ങള്.
അപ്പനെയായാലും
അപ്പൂപ്പനെയായാലും
ഞരമ്പുരോഗി,
കാമാഭ്രാന്തന്
തുടങ്ങിയ പദങ്ങള് വിളിക്കാം.
മാപ്പ് പറഞ്ഞാല് മതി.
മതപുരോഹിതനെ
നികൃഷ്ട ജീവിയെന്നും
ജഡ്ജിയേമാനെ
ശുംഭനെന്നും
സാഹിത്യകാരനെ
കുരങ്ങെന്നും വിളിക്കാം. മാപ്പ് പറയണമെന്നില്ല.
മറുകണ്ടം ചാടിയവളെ
ഒരുത്തിയെന്നു പരത്തി വിളിക്കാം
ദുരുദ്ദേശമുന്ടെങ്കില്
പ്രശസ്തയെന്നു
ആന്ഗ്യത്തോടെ പറയാം!
പത്രക്കാര് വളച്ചൊടിച്ചു
എന്ന് ശേഷം പറഞ്ഞാല് മതി!
ജാതിപ്പേര് വിളിച്ചു
കീഴാളന്റെ
നെഞ്ചിന്കൂട് തകര്ക്കാം.
അപമാനിക്കപ്പെട്ടവളെ
പാതാളത്തില് നിന്നും
ചവിട്ടിതാഴ്ത്താം!
മന്ത്രിയെയായാലും
മുന്മന്ത്രിയെയായാലും
പൊട്ടന്മാര് എന്ന്
മൊത്തത്തില് വിളിക്കാം.
നിയമസഭയിലെ
കളരിക്കളി കണ്ടാല്
ആ വിളി അത്ര പോര!
പോതുയോഗത്തിലെ
ബഹുജനങ്ങളെ നോക്കി
ഈ പദങ്ങള് ഉരുവിടുന്നവര്
മിനിമം കയ്യില് കരുതേണ്ടത്
ഇതൊക്കെയാണ്:
വക്കീല് ഫീസ്, തൊലിക്കട്ടി...
*********************
Sunday, September 11, 2011
ഗ്രാമം മരിക്കുന്നു?
സംസാരിച്ചു തുടങ്ങുമ്പോഴേക്കും കരഞ്ഞു തുടങ്ങുന്ന ദുര്ബലയായ ഒരു പാവം സ്ത്രീ. അതായിരുന്നു മാളുകുട്ടി താത്ത. ദാരിദ്ര്യവും രോഗവും അവരുടെ മുഖത്ത് മുദ്രണം ചെയ്യപ്പെട്ടിരിക്കുന്നു!. വഴിയോരങ്ങളില് ഒരു നിഴല് പോലെ പലപ്പോഴും അവരെ കാണാം; റേഷന് കടയിലെക്കോ അല്ലെങ്കില് ജോലി സ്ഥലത്തേക്കോ ഉള്ള യാത്രയില്. ചിലയാളുകള് ജീവിതത്തിലുടനീളം കരയാന് വിധിക്കപ്പെട്ടവരാണ്. അവരുടെ വിധി എന്ന് നാം അതിനെ വിളിക്കും. സമൂഹത്തില് അത്യാര്ഭാടതോടെയും സുഭിക്ഷതയോടെയും ജീവിക്കുന്നവര്ക്ക് ദൈന്യതയുടെ ചില അടയാളങ്ങള് ദൈവം മറ്റുള്ളവരിലൂടെ നിലനിര്ത്തുന്നു. അവരുടെ കണ്ണുനീരിനിടയില് നമ്മുടെയൊക്കെ ആഹ്ലാദങ്ങള് വിലയിരുത്താന് വേണ്ടി. വല്ലവരും കൈ അയച്ചു കൊടുത്തിരുന്ന സഹായങ്ങള് മകന് വലുതായപ്പോഴും ഉണ്ടായിരുന്നോ എന്നെനിക്കറിയില്ല. എങ്കിലും....ഒരിക്കലും എനിക്കു എന്തെങ്കിലും തരണം എന്ന് അവര് പറഞ്ഞതും ഞാന് കേട്ടിട്ടില്ല.
പുതുതലമുറയിലെ പലരെയും എനിക്കറിയില്ല, അറിയുന്ന പലരും നാട്ടിലെത്തുമ്പോള് കണ്ട ഭാവവും കാണിക്കാറില്ല. എന്നെ അറിയുന്നവരില് പലരും എന്റെ ഗ്രാമ വീഥികളില് നിന്നും അന്യമായിക്കൊണ്ടിരിക്കുകയും ചെയ്യുന്നു. ഇനി ഈ മണല്പരപ്പില് നിന്നും എന്നാണ് എന്റെ തിരിച്ചുപോക്ക് ഉണ്ടാവുക?. ഗ്രാമത്തിന്റെ ഭംഗിയോ, നിര്മ്മലതയോ ഒന്നും ഞാന് പ്രതീക്ഷിക്കുന്നില്ല. അതുണ്ടാവില്ല എന്നുറപ്പാണ്. വഴിയിലെക്കിറങ്ങുമ്പോള് മുഖത്ത് നോക്കി പരിചയത്തോടെ പുഞ്ചിരിക്കുന്ന കുറച്ചു മുഖങ്ങള്. അത്രെയെങ്കിലും ഉണ്ടാവുമായിരിക്കും അല്ലെ?
Labels:
kottapadam,
ഓര്മ്മക്കുറിപ്പ്,
കോട്ടപ്പാടം
Thursday, September 8, 2011
ഓണാശംസകള്!
പൂക്കളം തീര്ക്കാന് പൂവുകള് തേടി അവര് നടക്കും..എന്റെ കൂട്ടുകാര്.
തുമ്പയും, മുക്കുറ്റിയും ചിലഞ്ഞിയും അവരെ വഴിയോരങ്ങളില് കാത്തിരിക്കുന്നുണ്ടാകും.
പൂവേ...പൊലി..പൂവേ….പൊലി… പൂവേ...പൊലി..പൂവേ..
നോക്കി നില്ക്കെ ഞാനും അറിയാതെ ആ വരികള് മൂളും.
ഓണക്കാലം അവധിദിനങ്ങള് കൂടിയാണ്...
കളിക്കാനും, വിരുന്നു പോകാനും ഒരുപാടു സമയം.
പാടത്തും പറമ്പിലും കുളത്തിലുമെല്ലാം പിന്നെ ഞങ്ങളുടെ ആരവങ്ങള് മാത്രം!
വീട്ടിലേക്കു ഓണവിഭവങ്ങള് പലതും വിരുന്നു വരും; ചക്ക ഉപ്പേരിയും, കായവറുത്തതും...
ഒരുപക്ഷെ അന്ന് അതൊക്കെ കിട്ടുന്നതും ഓണക്കാലത്ത് മാത്രമായിരുന്നു എന്നതാണ് ശരി.
ബന്ധു വീടുകളിലേക്കുള്ള യാത്രയാണ് പിന്നെ.
അലൂരിലുള്ള എളെമയുടെ വീട്ടിലേക്കും പെരിങ്ങോടുള്ള മൂത്തമ്മയുടെ വീട്ടിലെക്കുമാണ് പ്രധാന യാത്രകള്. രാത്രി അവിടെ താങ്ങാനുള്ള തയ്യാറെടുപ്പോടെ ഞാനും എളെമയുടെ മകന് ശംസുവും പോകും. വേറെ ഒന്നും കൊണ്ടല്ല; അലൂരിലെയും പെരിങ്ങോട്ടെയും സിനിമാ തിയേറ്റര് തന്നെ ലക്ഷ്യം!. നേരിട്ട് സിനിമക്ക് പോയാല് അടി കട്ടായം, അതിനുള്ള സൂത്രപ്പണിയാണ് ഈ വിരുന്ന്!.
പിന്നീട് ഞങ്ങള് ആര്ട്സ് ആന്ഡ് സ്പോര്ട്സ് ക്ലബ് രൂപീകരിച്ചു എല്ലാ ഓണക്കാലത്തും കുട്ടികള്ക്കായി മത്സരങ്ങള് സംഘടിപ്പിച്ച് കുറെ കാലം കൂടി ഞങ്ങളുടെ ഓണത്തെ സമ്പന്നമാക്കി.
ഓണം വരുമ്പോഴോക്കെയും ഈ ഓര്മ്മക്കാലവും വിരുന്ന് വരുന്നു.
ഇന്ന് കോട്ടപ്പാടത്ത് അങ്ങിനെ വല്ലതും നടക്കുന്നുണ്ടോ ആവൊ!
എല്ലാ സുഹൃത്തുക്കള്ക്കും നന്മ നിറഞ്ഞ ഒരോണക്കാലം നേരുന്നു...
ഓണാശംസകള്!
Subscribe to:
Posts (Atom)


